Sai Dhansika “Niyamam ente kaiyilantu” all set to grand release on June 21st

തെന്നിന്ത്യൻ താരം സായി ധൻസികയുടെ ചിത്രം 'നിയമം എൻ്റെ കൈയിലുണ്ട് '; ജൂൺ 21ന് പാൻ ഇന്ത്യൻ റിലീസിന് ഒരുങ്ങുന്നു...

എ അഭിറാം സംവിധാനം ചെയ്യുന്ന ചിത്രത്തിൽ അമിത് തിവാരിയാണ് നായകൻ

കബാലി' ഫെയിം സായി ധന്സികയും അമിത് തിവാരിയും പ്രധാന വേഷങ്ങളിൽ അഭിനയിക്കുന്ന ചിത്രം "നിയമം എൻ്റെ കൈയിലുണ്ട്" റിലീസിന് ഒരുങ്ങി. എ അഭിറാം സംവിധാനം ചെയ്യുന്ന ചിത്രം ജൂൺ 21ന് പാൻ ഇന്ത്യ റിലീസ്സായി എത്തുമെന്ന് നിർമാതാക്കൾ അറിയിച്ചു. ശ്രീ സിദ്ദി വിനായക മൂവി മേക്കേഴ്സിൻ്റെ ബാനറിൽ ഡി രാജേശ്വര റാവുവാണ് ചിത്രം നിർമ്മിച്ചിരിക്കുന്നത്. 2017ൽ ‘സോളോ’ എന്ന ചിത്രത്തിലൂടെയാണ് സായ് മലയാളത്തിൽ അരങ്ങേറ്റം കുറിച്ചത്.

ഗ്രാമീണ പശ്ചാത്തലത്തിലാണ് ചിത്രം ഒരുക്കിയിരിക്കുന്നത്. ചിത്രത്തിൽ വീട്ടമ്മയുടെ വേഷത്തിലാണ് സായ് ധന്‌ഷിക എത്തുന്നത്. നാഗ മഹേഷ് ഒരു പ്രധാന കഥാപാത്രത്തെ അവതരിപ്പിക്കുന്ന ചിത്രത്തിൽ വിമല രാമൻ, ദീപു, സത്യപ്രകാശ്, ഗണേഷ് വെങ്കിട്ടരാമൻ, ചിത്രം ശ്രീനു തുടങ്ങിയവർ അഭിനയിക്കുന്നു. എൻ സുധാകർ റെഡ്ഡി (ഛായാഗ്രാഹകൻ), കോട്ടി (സംഗീത സംവിധായകൻ), ഗാരി ബിഎച്ച് (എഡിറ്റർ) തുടങ്ങിയവരാണ് മറ്റ് പ്രധാന അണിയറ പ്രവർത്തകർ. വാർത്ത പ്രചാരണം: പി.ശിവപ്രസാദ്