Trayam Review: A Interesting Triangle Love Story (Rating: ***)

ట్రయాంగిల్ లవ్ స్టోరీస్ తో తెరకెక్కిన అనేక సినిమాలు బాక్సాఫీస్ వద్ద విజయం సాధించాయి. అందుకే యూత్ ఆడియన్స్ ను టార్గెట్ చేస్తూ.. దర్శకులు, నిర్మాతలు ఇలాంటి సెన్సిటివ్ ట్రయాంగిల్ లవ్ స్టోరీస్ ను వెండితెర మీద చూపించడానికి ఉత్సాహం చేపిస్తుంటారు. ఇప్పుడు తెరకెక్కిన ‘త్రయం’ మూవీ కూడా ట్రయాంగిల్ లవ్ యాక్షన్ స్టోరీనే. ఈ చిత్రం ఇటీవలే ప్రేక్షకుల ముందుకు వచ్చింది. మరి ఈ చిత్రం ప్రేక్షకుల్ని ఏమాత్రం ఎంటర్టైన్ చేసిందో చూద్దాం పదండి.

కథ: రఘు(విషు రెడ్డి)… నందు(విలన్) ఇద్దరూ తరచుగా గొడవ పడుతూ… కాలేజీలోఅటెన్షన్ ని గ్రాబ్ చేస్తూ వుంటారు. రఘు.. హీరోయిన్ శ్రుతి ఇద్దరూ ప్రేమించుకుంటారు. అయితే రఘు చేసే గొడవల వల్ల శ్రుతి రఘుకి దూరం అవుతుంది. ఈ క్రమంలో తనను ఎలాగైన తన వద్దకు చేర్చాలని.. తన చిరకాల మిత్రుడు రాజును వేడుకుంటాడు. దాంతో రాజు… శ్రుతికి నచ్చజెప్పి… రఘుకి దగ్గర చేయాలనుకుంటాడు. అయితే శ్రుతి గతంలో తన జీవితంలో జరిగిన ఓ సంఘటన వల్ల… రాజును విపరీతగా ప్రేమిస్తుంది. ఈ ముక్కోణపు ప్రేమకథ చివరకు ఎలాంటి టర్న్ తీసుకుంది, రఘు శ్రుతి ప్రేమను పొందుతాడా? అసలు శ్రుతి గతం ఏమిటి? రాజు ఎవరు? తదితర విషయాలు తెలియాలంటే సినిమా చూడాల్సిందే.

కథ… కథనం విశ్లేషణ: ముక్కోణపు ప్రేమకథ ప్లాట్ ను ఎంచుకుని మొదటి భాగంలో యాక్షన్, లవ్ ఎపిసోడ్స్ తో సరదాగా సాగే ఈ త్రయం ఫస్ట్ హాఫ్… ద్వితీయార్థంలో అసలు కథ మొదలవుతుంది. ఫస్ట్ హాఫ్ లో విషు రెడ్డితో యాక్షన్ ఎపిసోడ్స్ ను చేయించడానికి ప్రధాన్యం ఇచ్చిన దర్శకుడు… ద్వితీయార్థంలో అసలు కథను నడిపించడానికి రాజు అనే క్యారెక్టర్ ను ఎంటర్ చేసి ఇంట్రెస్టింగ్ ను కలుగజేస్తాడు. హీరోతో.. హీరోయిన్ కి ఓ చిన్న గ్యాప్ ను వచ్చేలా చేసి… చివరకు ఆమె చిన్నప్పటి నుంచి ఎవరిని మిస్ అవుతోందో… దాన్ని ఫుల్ ఫిల్ చేయడానికి దర్శకుడు రాసుకున్న స్క్రీన్ ప్లే చాలా కన్వెన్సింగ్ గా వుంది.  క్లైమాక్స్ లో వచ్చే భారీ యాక్షన్ ఎపిసోడ్ మాస్ కి, యూత్ ని ఉర్రూతలూగిస్తుంది. రాజు, శ్రుతిలను కలపడానికి క్లైమాక్స్ లో చెప్పే డైలాగ్ కూడా ఆకట్టుకుంటుంది.

కాలేజీ స్టూడెంట్ లీడర్ పాత్రలో రఘుగా విషురెడ్డి చాలా బాగా చేశాడు. కాలేజీలో తన పాటు నందగా విలన్ పాత్రతో వచ్చే యాక్షన్ ఎపిసోడ్స్ మాస్ కి నచ్చుతాయి. నంద పేరుతో విలన్ గా నటించిన వ్యక్తి కూడా తన పాత్రకు న్యాయం చేశాడు. క్లైమాక్స్ సీన్ బాగుంది. రఘుతో పాటు.. హీరోయిన్ శ్రుతి లవ్ ను పొందే రాజు క్యారెక్టర్ కూడా చాలా సరదాగా వుంది. తన ఫ్రెండ్ కు హెల్ప్ చేయడానికి వెళ్లి.. హీరోయిన్ ప్రేమ పొందడం.. చివరకు క్లైమాక్స్ సీన్ తదితర సన్నివేషాల్లో చాలా కూల్ గా… నటించి మెప్పించాడు. హీరోయిన్ శ్రుతి పాత్రలో తనకున్న పరిధి మేరకు నటించి మెప్పించింది.

దర్శకుడు ఎంచుకున్న కథ.. కథనాలు బాగున్నాయి. కాలేజీలో జరిగే సరదా సన్నివేశాలు… యాక్షన్ సీన్స్.. ద్వితీయార్థంలో వచ్చే రాజు పాత్ర తదితరాలన్నీ బోరింగ్ లేకుండా రెండుగంటల పాటు చాలా సరదాగా సాగిపోయేలా స్క్రీన్ ప్లేను రాసుకుని మెప్పించారు. పాటలు పెద్దగా ఆకట్టుకునేలా లేకపోయినా బ్యాక్ గ్రౌండ్ స్కోర్ సినిమాకు యాప్ట్ గా వుంది. సినిమాటో గ్రఫీ రిచ్ గా వుంది. ఎడిటింగ్ ఇంకాస్త గ్రిప్పింగ్ గా వుంటే బాగుండు. నిర్మాత ఖర్చుకు వెనకాడకుండా నిర్మాణ విలువలను చాలా గ్రాండియర్ గా చూపించారు. ఈ వీకెండ్ లో సరదాగా ‘త్రయం’ను చూసి.. ఎంజాయ్ చేయొచ్చు. గో అండ్ వాచ్ ఇట్..

రేటింగ్: 3