Hero Srikanth Feeds 500 People

500 మందికి భోజనం పెట్టిన హీరో శ్రీకాంత్

హీరో శ్రీకాంత్ ఆధ్వర్యంలో హైదరాబాద్ యూసఫ్ గూడ లోని కృష్ణకాంత్ పార్కు దగ్గర ఐదు వందల మందికి బుధవారం మధ్యాహ్నం భోజనాలు ఏర్పాటు చేశారు భారీగా పోలీస్ బందోబస్త్ మధ్య ఈ కార్యక్రమం అక్కడ జరిగింది.

ఈ కార్యక్రమంలో హీరో శ్రీకాంత్ తో పాటుగా శ్రీ మిత్ర చౌదరి, డీసీపీ ట్రాఫిక్, చౌహన్ మరియు పలుగురు పోలీస్ సిబ్బందులతో కలసి యూసుఫ్ గూడ కృష్ణ కాంత్ పార్క్ ముందు ఫుడ్ ప్యాకెట్స్ ను అందచేశారు .

ఈ సందర్భంగా శ్రీకాంత్ మాట్లాడుతూ ఈ కారోన మహమ్మారి సోకకుండా జాగ్రత్తలు తీసుకుంటూ పోలీసులు పర్మిషన్ తో వారి ఆధ్వర్యంలోనే ప్రజలకు ఎలాంటి ఇబ్బంది కలగకుండా ఈ కార్యక్రమం ఏర్పాటు చేయడం జరిగింది. పోలీసుల సహకారం మరువలేనిది. ఈ సందర్భంగా రెండు రాష్ట్రాల ప్రభుత్వాలకు కృతజ్ఞతలు. ఆకలితో అలమటిస్తున్న కొంతమందికైనా సాయం చేయాలనే ఉద్దేశంతో ఈ కార్యక్రమాలు ఏర్పాటు చేయడం జరిగింది. లాక్ డౌన్ ఉన్నంతకాలం నాకు చేతనైనంత వరకు నేను ఇలా సాయం చేయాలనుకుంటున్నాను. అందరూ ఇంట్లో ఉండి కారోన మహమ్మారి ని తరిమికొట్టాలి అని పిలునిచ్చారు హీరో శ్రీకాంత్.