హల్ చల్ సినిమా రైట్స్ సొంతం చేసుకున్న మల్కపురం శివకుమార్..
రుద్రాక్ష్ ఉత్కం, ధన్య బాలకృష్ణ జంటగా శ్రీ రాఘవేంద్ర ఆర్ట్ క్రియేషన్ బ్యానర్‌పై తెరకెక్కిన సినిమా హల్ చల్. ఈ చిత్ర కథ కథనాలు నచ్చి రైట్స్ తీసుకున్నారు నిర్మాత మల్కపురం శివకుమార్. MSK డిజిటల్స్‌పై ఈ చిత్ర హక్కులను తీసుకున్నారు మల్కపురం శివకుమార్. ఇప్పటికే షూటింగ్ పూర్తి చేసుకున్న ఈ చిత్రం పోస్ట్ ప్రొడక్షన్ పనులతో బిజీగా ఉంది.
ఇకపై కథ నచ్చితే తమ సంస్థలో సినిమాలు విడుదల చేయడానికి సిద్ధంగా ఉన్నామని చెబుతున్నారు నిర్మాత మల్కపురం శివకుమార్. ఇప్పుడు హల్ చల్ సినిమా కూడా ఇదే కోవలోకి వస్తుందని చెబుతున్నారు శివకుమార్.
ఈ సినిమాలో ప్రీతి నిగమ్, కృష్ణుడు, మధు నందన్, రవి ప్రకాశ్ ఇతర ప్రధాన పాత్రల్లో నటిస్తున్నారు. గణేష్ కొల్లూరి ఈ చిత్రాన్ని నిర్మిస్తుండగా.. రాజ్ తోట సినిమాటోగ్రఫీ అందిస్తున్నారు. భరత్ మధుసూధన్ సంగీతం అందిస్తున్న ఈ చిత్రాన్ని శ్రీపతి కర్రి తెరకెక్కిస్తున్నారు. డిసెంబర్ రెండో వారంలో సినిమా విడుదల చేయడానికి సన్నాహాలు చేస్తున్నారు మేకర్స్.
నటీనటులు:
రుద్రాక్ష్ ఉత్కం, ధన్య బాలకృష్ణ, ప్రీతి నిగమ్, కృష్ణుడు, మధు నందన్, రవి ప్రకాశ్..
సాంకేతిక నిపుణులు:
దర్శకుడు: శ్రీపతి కర్రి
నిర్మాత: గణేష్ కొల్లూరి
విడుదల: మల్కపురం శివకుమార్
సినిమాటోగ్రఫీ: రాజ్ తోట
ఎడిటర్: ప్రవీణ్ పూడి
సంగీతం: భరత్ మధుసూధన్
