హిట్ సినిమా సీక్వెల్ లో జగపతి బాబు!
జగపతిబాబు హీరోగా ఎస్. వి.కృష్ణారెడ్డి దర్శకత్వంలో వచ్చిన శుభలగ్నం సినిమా పెద్ద విజయం సాధించిన సంగతి తెలిసిందే. ఇప్పుడు ఈ సినిమాకు సీక్వెల్ రాబోతోందని వార్తలు వస్తున్నాయి. జగపతిబాబే ఈ సినిమాలో హీరోగా నటించబోతున్నాడు.
ఇప్పుడు ఉన్న జనరేషన్ కు తగ్గట్లు కొన్ని మార్పులు చేసి ఈ సినిమాకు సీక్వెల్ కథను సిద్ధం చేస్తున్నారు. ఒక నూతన దర్శకుడు డైరెక్ట్ చెయ్యబోతున్న ఈ సినిమాను 70 ఏం.ఏం ఎంటర్టైన్మెంట్ సంస్థ నిర్మించబోతోంది. ఇటీవల ఈ సంస్థ నుండి యాత్ర సినిమా వచ్చిన సంగతి తెలిసిందే.
జగపతి బాబు హీరోగా మానేసి నెగిటివ్ పాత్రలు చేస్తున్నారు. శుభలగ్నం సినిమా కథకు కొనసాగింపు చేస్తే బాగుంటుందని భావించిన జగపతిబాబు ఈ సినిమాకు సీక్వెల్ చేయాలని భావించడం విశేషం. ఈ సినిమా గురించి పూర్తి సమాచారం త్వరలో చిత్ర నిర్మాతలు ప్రకటించనున్నారు.
Facebook Comments
