త్రివిక్రమ్ సినిమా సీక్వెల్ కాదు.
త్రివిక్రమ్, బన్నీ క‌లిసి ‘సన్నాఫ్ సత్యమూర్తి’ సినిమాకు సీక్వెల్ చేస్తున్నారా..? ప్రస్తుతం ఇదే చర్చ జరుగుతోంది. కానీ ఈ వార్తలో నిజం లేదని చిత్ర వర్గాలు చెబుతున్నాయి. ప్రస్తుతం చేసే కథ తండ్రి, కొడుకుల మధ్య ఉంటుంది కానీ సన్ ఆఫ్ సత్యమూర్తి సినిమాకు సంభంధం ఉండదని సమాచారం. ఇదెప్పుడు జ‌రిగింది.. ప్రేక్ష‌కుల ఊహ‌కు కాస్త అటూఇటూగా ఉండే క‌థ‌తోనే ప్ర‌తీసారి వ‌స్తుంటాడు మాట‌ల మాంత్రికుడు. అదే విధంగా ఈ సినిమా ఉంటుంది.
కామెడీ ఎంటర్టైనర్ గా రాబోతున్న ఈ సినిమాను హారికా హాసిని, గీత ఆర్ట్స్ సంస్థలు సంయుక్తంగా నిర్మిస్తున్నాయి. మార్చి నుండి ఈ సినిమా రెగ్యులర్ షూటింగ్ ప్రారంభం కానుంది. తమన్ ఈ సినిమాకు సంగీత దర్శకుడు. బన్నీ , తమన్ కాంబినేషన్ లో వచ్చిన రేసుగుర్రం, సరైనోడు సినిమాలు మ్యూజిక్ పరంగా బాగా పాపులర్ అయ్యాయి. అందుచేత తమన్ మళ్లీ ఈ సినిమాకు వర్క్ చేయబోతున్నాడు.
సినిమా స్టార్ట్ అవడానికి ఇంకా నెల సమయం ఉంది. ఈ గ్యాప్ లో అల్లు అర్జున్ తన లుక్ మార్చుకునే పనిలో ఉంటాడట. ఈ చిత్రం కోసం బరువు తగ్గి మరింత స్టైలిష్ గా మారాలని త్రివిక్రమ్ బన్నీకి సూచించినట్లు వార్తలు వస్తున్నాయి. దీనితో అల్లు అర్జున్ తన లుక్ మార్చుకునే పనిలో నిమగ్నమై ఉన్నాడు. అల్లు అర్జున్, త్రివిక్రమ్ కాంబోలో వచ్చిన జులాయి, సన్నాఫ్ సత్యమూర్తి చిత్రాలు విజయం సాధించాయి. అదే తరహాలో ఈ సినిమా ఉంటుందో లేదో చూద్దాం.
