Prabhas, Radha Krishna movie titled Jann?

ప్రభాస్ సినిమాకు టైటిల్ ఖరారు !

యంగ్ రెబల్ స్టార్ ప్రభాస్ వరుస చిత్రాల జోరు పెంచుతున్నాడు. ప్రస్తుతం సాహో చిత్రంలో నటిస్తూనే.. యంగ్ డైరెక్టర్ రాధాకృష్ణ దర్శత్వంలో మరో చిత్రాన్ని ప్రారంభించాడు. గత ఏడాదే ఈ చిత్ర షూటింగ్ ప్రారంభమైన సంగతి తెలిసిందే. లవ్ స్టోరీగా ఈ సినిమా తెరకెక్కుతుంది..

ప్రభాస్ సరసన ఈ సినిమాలో పూజా హెగ్డే హీరోయిన్ గా నటిస్తోంది. తాజా సమాచారం మేరకు ఈ సినిమాకు జాను అనే టైటిల్ ఖరారు చేసినట్లు వార్తలు వస్తున్నాయి. చిత్ర యూనిట్ ఈ టైటిల్ ను అధికారికంగా ప్రకటించే అవకాశాలు ఉన్నట్లు తెలుస్తోంది.

గోపికృష్ణ బ్యానర్ లో కృష్ణం రాజు నిర్మిస్తున్న ఈ సినిమాకు అమిత్ త్రివేది సంగీతం అందిస్తున్నాడు. 1940లో జరిగే ప్రేమకథగా ఈ సినిమా ఉండబోతోంది. ఈ మూవీలో నటించే ఇతర నటీనటుల వివరాలు తెలియాల్సి ఉంది. సుజిత్ డైరక్షన్ లో ప్రభాస్ సాహో ఆగష్టు 15న విడుదల కానుంది.