Varun Tej now interested only in challenging roles

విభిన్నమైన పాత్రల్లో వరుణ్ తేజ్!

అంతరిక్షం సినిమాతో ప్రేక్షకుల ముందుకు వచ్చిన వరుణ్ తేజ్ త్వరలో బాక్సర్ పాత్రలో కనిపించబోతున్నాడు. నూతన దర్శకుడు చెప్పిన ఈ కథను చెయ్యబోతున్నాడు వరుణ్ తేజ్. అల్లు అర్జున్ అన్నయ్య బాబీ ఈ సినిమాతో నిర్మాతగా మారుతున్నట్లు సమాచారం. త్వరలో ఈ సినిమా గురించి పూర్తి వివరాలు తెలియనున్నాయి.

వరుణ్ తేజ్ సినిమాల్లోకి వచ్చాక ముకుంద, లోఫర్, మిస్టర్ వంటి రెగ్యులర్ కథలను ఒకే చేశాడు. ఆ తరువాత ఫిదా, తొలిప్రేమ, అంతరిక్షం వంటి విభిన్నమైన కథలను ఎంచుకుంటూ ముందుకు వెళుతున్నాడు. మెగా హీరోల్లో వరుణ్ తేజ్ కు ఇప్పుడు ప్రేత్యేక స్థానం ఉంది.

త్వరలో వరుణ్ తేజ్ హరీష్ శంకర్ దర్శకత్వంలో జిగర్తాండ రీమేక్ లో నటించడానికి సిద్ధం అవుతున్నాడు. ఈ సినిమా రెగ్యులర్ షూటింగ్ ఫిబ్రవరి నుండి ఉంటుందని సమాచారం. 14 రీల్స్ బ్యానర్ సంస్థ నిర్మించబోతున్న ఈ సినిమాలో వరుణ్ తేజ్ నెగిటివ్ రోల్ లో కనిపించబోతున్నట్లు సమాచారం.