విక్రమ్ కోసం నాని స్క్రీన్ ప్లే !
టాలెంటెడ్ దర్శకుడు విక్రమ్ కుమార్ తో నాని సినిమా చేయబోతున్న సంగతి తెలిసిందే. ఫిబ్రవరి నుండి ప్రారంభం కానున్న ఈ సినిమాను మైత్రి మూవీస్ సంస్థ నిర్మిస్తోంది. నాని ఈ సినిమాలో ఒక నవలా రచయిత పాత్రలో కనిపించబోతున్నాడు. ప్రస్తుతం ఈ సినిమాకు సంభందించిన నటీనటులు ఎంపిక జరుగుతోంది. త్వరలో హీరోయిన్ పేరును చిత్ర యూనిట్ ప్రకటించే అవకాశం ఉంది.
తాజా సమాచారం మేరకు నాని ఈ సినిమాకు స్క్రీన్ ప్లే రాస్తున్నాడని తెలుస్తోంది. దర్శకత్వ శాఖలో పనిచేసిన అనుభవంతో నాని విక్రమ్ కుమార్ సినిమాలు స్క్రీన్ ప్లే అందిస్తున్నట్లు వార్తలు వస్తున్నాయి. క్రైమ్ థ్రిల్లర్ నేపథ్యంలో తెరకెక్కబోతున్న ఈ సినిమా గురించి పూర్తి వివరాలు తెలియాల్సి ఉంది.
నాని ప్రస్తుతం జెర్సీ చిత్ర షూటింగ్ లో బిజీగా ఉన్నాడు.శ్రద్దా శ్రీనాధ్ హీరోయిన్ గా నటిస్తోంది. క్రికెట్ నేపథ్యంలో తెరకెక్కుతున్న ఈ సినిమాలో నాని క్రికెటర్ పాత్రలో కనిపించబోతున్నాడు. గౌతమ్ తిన్ననూరి దర్శకత్వం వహిస్తోన్న ఈ సినిమాకు అనిరుద్ సంగీతం అందిస్తున్నాడు. సితార ఎంటర్టైన్మెంట్స్ సంస్థ ఈ సినిమాను నిర్మిస్తోంది.
This website uses cookies.
