Rajamouli’s RRR to add one more ‘R’

రాజమౌళి ఆర్.ఆర్.ఆర్ లో మరో ఆర్!

రాజమౌళి రామ్ చరణ్ ఎన్టిఆర్ కాంబినేషన్ లో త్రిబుల్ ఆర్ చలనచిత్రం ఇటీవలే లాంఛనంగా ప్రారంభం అయ్యింది. ఈ చిత్ర రెగ్యులర్ షూటింగ్ హైదారాబాద్ లో జరుగుతోంది. డిసెంబర్ 12 న రాజమౌళి ఈ సినిమాకు సంభందించి ఒక ప్రకటన చెయ్యబోతున్నట్లు వార్తలు వస్తున్నాయి. హీరోయిన్స్ పేర్లు వెల్లడించే అవకాశాలు ఉన్నాయని సమాచారం.

తాజా సమాచారం మేరకు ఈ సినిమాలో రామ్ చరణ్ తల్లిగా రమ్యకృష్ణ నటించబోతున్నట్లు తెలుస్తోంది. బాహుబలి సినిమాలో శివగామిగా అలరించిన రమ్యకృష్ణను రాజమౌళి మరోసారి తన సినిమాలో తీసుకుంటున్నాడు. ఈ వార్తా అధికారికంగా ఎక్కడా ప్రకటించనప్పటికి ఇప్పుడు ఈ న్యూస్ సోషల్ మీడియాలో ట్రెండ్ అవుతోంది.

కీరవాణి సంగీతం అందిస్తున్న ఈ సినిమాకు సెందిల్ కుమార్ సినిమాటోగ్రఫీ అందిస్తున్నాడు. రచయిత బుర్ర సాయి మాధవ్ మాటలు రాస్తున్నారు. సినిమాను నిర్మాత డివివి దానయ్య అత్యంత భారీగా అద్భుతమైన లొకేషన్స్ లో నిర్మిస్తున్నారు. ఈ సినిమాకు సంబందించి రాజమౌళి ఎలాంటి వార్తా ప్రకటిస్తాడోనన్న ఆసక్తి ఉంది.