96 రీమేక్ : ఇంకా సస్పెన్స్ !
తమిళంలో నందగోపాల్ నిర్మాణంలో ప్రేమ్ కుమార్ దర్శకత్వంలో '96' సినిమా రూపొందింది. త్రిష, విజయ్ సేతుపతి ప్రధానమైన పాత్రలను పోషించిన ఈ సినిమా అక్కడ పెద్ద విజయం సాధించింది. ఈ సినిమాను దిల్ రాజు ముందే చూసి వాటి రీమేక్ రైట్స్ కొనుగోలు చెయ్యడం జరిగింది. 1996లో జరిగిన ప్రేమకథ నేపథ్యంలో ఈ సినిమా రూపొందింది. ప్యూర్ లవ్ స్టోరీగా ప్రేక్షకుల ముందుకు వచ్చిన ఈ సినిమా త్వరలో తెలుగులో రీమేడ్ కానుంది. అయితే ఈ సినిమాకు హీరో ఎవరనేది సస్పెన్స్ గానే ఉంది.
ఇటీవల ఈ సినిమాలో గోపిచంద్ నటించబోతున్నాడని వార్తలు వచ్చాయి. గతంలో అల్లు అర్జున్ ఈ మూవీని రిజెక్ట్ చేశాడని న్యూస్ వచ్చింది. కానీ ఇప్పటి వరుకు ఈ సినిమాకు హీరో ఎవ్వరూ ఓకే కాలేదని సమాచారం. తమిళ్ లో ఈ చిత్రానికి దర్శకత్వం వహించిన ప్రేమ్ కుమార్ ఈ సినిమాను డైరెక్ట్ చెయ్యబోతునాడు, త్వరలో ఈ చిత్రంలో నటించే తెలుగు హీరో ఎవరనేది తెలుస్తుంది. ఏ హీరో చేసినా ఈ సినిమా తెలుగులో మంచి విజయం సాధించడం ఖాయం.
