చరణ్ సినిమాలో ఐటెమ్ గర్ల్ ఫిక్స్ !
రామ్ చరణ్, బోయపాటి సినిమా వినయ విదేయ రామలో ఐటెమ్ సాంగ్ చెయ్యబోతున్న హీరోయిన్ గురించి రకరకాల పేర్లు వినిపించాయి. రకుల్ ప్రీత్ సింగ్ ఈ స్పెషల్ సాంగ్ చెయ్యనున్నట్లు న్యూస్ వచ్చింది. ఇలియానా ఈ పాట కోసం 60 లక్షలు డిమాండ్ చేసినట్లు సమాచారం. చిత్ర యూనిట్ చాలా ఆప్షన్స్ చూశారు. ఎవ్వరూ సెట్ అవ్వడం లేదు. విడుదల తేదీ దగ్గర పడుతోంది. ఎవరినో ఒకరిని లాక్ చేస్తే సాంగ్ షూట్ చెయ్యవచ్చు. ఎందుకంటే ఒక్క ఐటెమ్ సాంగ్ మినహా పూర్తి సినిమా చిత్రీకరణ పూర్తి అయ్యింది. చివరికి బోయపాటి శ్రీను ఈ సినిమాలో ఐటెమ్ సాంగ్ కోసం ఏం.ఎల్.ఏ ను లాక్ చేశాడట. ఏం.ఎల్.ఏ ఎవరు అనుకుంటున్నారా ? సరైనోడు సినిమాలో క్యాథరిన్. అవును వినయ విధేయ రామ సినిమాలో క్యాథరిన్ స్పెషల్ సాంగ్ చేస్తోంది.
ఈ స్పెషల్ సాంగ్ ను వచ్చే నెల రెండో వారంలో హైదారాబాద్ అన్నపూర్ణ స్టూడియోలో చిత్రీకరిస్తున్నారు. దేవి శ్రీ ప్రసాద్ ఈ సినిమా కోసం అన్నీ మాస్ సొంగ్స్ ను ఇచ్చాడట. రంగస్థలం సినిమాలో జిగేల్ రాణి తరహాలో ఈ సినిమాలోని ఐటెమ్ సాంగ్ ఉండబోతోందని సమాచారం. అన్ని కార్య‌క్ర‌మాల‌ను డిసెంబర్ చివరినాటికి పూర్తి చేసి 2019 సంక్రాంతి కానుక‌గా సినిమాను ప్రపంచ వ్యాప్తంగా విడుదల చెయ్యనున్నారు నిర్మాత డి.వి.వి దానయ్య. కైరా అద్వానీ ఈ చిత్రంలో చరణ్ కు జోడీగా నటించింది.
