డిఫరెంట్ కన్సెప్ట్ తో సందీప్ కిషన్ !
దర్శకుడు జీ.నాగేశ్వర్ రెడ్డి హీరో సందీప్ కిషన్ తో ఒక సినిమా చేయబోతున్నాడు. హన్సిక ఈ సినిమాలో హీరోయిన్ గా నటిస్తోంది. తాజా సమాచారం మేరకు సందీప్ కిషన్ ఈ సినిమాలో మూగవాడిగా కనిపించబోతున్నట్లు తెలుస్తోంది. సినిమా అంతా మాటలు రాని యువకుడి పాత్రలో సందీప్ కిషన్ నటించబోతున్నట్లు టాక్ వినిపిస్తోంది.హీరో పాత్రకు మరో యంగ్ హీరో వాయిస్ ఓవర్ చెప్పే ఛాన్స్ ఉందని అంటున్నారు. డిఫరెంట్ కన్సెప్ట్ తో ఈ సినిమా తెరకెక్కబోతున్నట్లు వార్తలు వస్తున్నాయి.
రైటర్ రాజసింహ ఈ సినిమాకు కథ అందించగా సాయి శ్రీరామ్ సినిమాటోగ్రఫీ అందిస్తున్నారు. హీరోయిన్ ఒక్కటే లాక్ అయిన ఈ సినిమాలో నటించే ఇతర నటీనటుల సాంకేతిక నిపుణుల వివరాలు తెలియాల్సి ఉంది. సందీప్ కిషన్ ప్రస్తుతం రెండు సినిమాల్లో నటిస్తున్నాడు. తమన్నాతో నటిస్తున్న నెక్స్ట్ నువ్వే విడుదలకు సిద్ధాంగా ఉంది. అలాగే తమిళ్ దర్శకుడుతో సందీప్ చేస్తున్న సినిమా నిను వీడని నీడను నేను సినిమాలో నటిస్తున్నాడు. వరుస ఫ్లాప్స్ లో ఉన్న సందీప్ కిషన్ తన నెక్స్ట్ మూవీస్ తో సక్సెస్ ట్రాక్ ఎక్కుతాడేమో చూడాలి.
