సాయి పల్లవి మరో ఫ్లాప్ కొట్టబోతోందా ?
శ్రీలక్ష్మీ వెంకటేశ్వరా సినిమాస్ పతాకంపై సుధాకర్ చెరుకూరి-ప్రసాద్ చుక్కపల్లి నిర్మాతగా వ్యవహరిస్తోన్న పడి పడి లేచే మనసు సినిమాలో శర్వానంద్ కు జోడీగా సాయి పల్లవి నటిస్తోంది. సినిమా ప్రమోషన్స్ లో భాగంగా టీజర్, ఫస్ట్ సాంగ్ విడుదల చేశారు. వీటికి ఆడియన్స్ నుండి మంచి రెస్పాన్స్ లభిస్తోంది. కానీ సినిమా ఔట్ పుట్ సరిగ్గా రాలేదని టాక్ వినిపిస్తోంది. ఎడిటింగ్ రూమ్ లో కొన్ని సీన్స్ సరిగ్గా రానందున వాటిని రీ షూట్ చేస్తున్నట్లు సమాచారం.
సినిమా బాగా వస్తే రీ షూట్స్ అవసరం లేదు, కానీ ఈ సినిమా విషయంలో ఎప్పటినుండో కొంత నెగిటివ్ టాక్ వినిపిస్తోంది. మరి సినిమా ఎలా ఉంటుందో చూడాలి. ఈ మూవీ ఫ్లాప్ అయితే సాయి పల్లవి వరుసగా రెండో ఫ్లాప్ కొట్టినట్లే. ఆమె నటించిన ఏం.సి,ఏ పెద్దగా సక్సెస్ కాలేదు. దర్శకుడు హను రాగవపూడి పైనే శర్వానంద్ ఆశలు పెట్టుకున్నారు. ఈ చిత్రానికి సంగీతం విశాల్ చంద్రశేఖర్ సమకూర్చుతున్నారు.
సాయి పల్లవి ఇప్పటి వరుకు ఒప్పుకున్న సినిమా ఇదొక్కటే. ఈ సినిమా రిజల్ట్ తరువాతే కొత్త సినిమాను అంగీకరించాలని ఆమె నిర్ణయించుకుంది. సాయి పల్లవికి సినిమా అవకాశాలు చాలానే వస్తున్నాయి కానీ ఆమె మంచి కథలను సెలెక్ట్ చేసుకుంటూ వెళుతోంది.
