మెగా హీరో సినిమాలో సవ్యసాచి హీరోయిన్!
మెగా మేనల్లుడు సాయి ధరమ్ తేజ్ తమ్ముడు వైష్ణవ్ తేజ్ హీరోగా ఓ సినిమా ప్రారంభమైంది. సుకుమార్ దగ్గర దర్శకత్వ శాఖలో పనిచేసిన బుచ్చిబాబు ఈ సినిమాతో దర్శకుడిగా మారబోతున్నారు. ఈ సినిమాలో హీరోయిన్ గా నిధి అగర్వాల్ ఎంపిక అయ్యింది. సవ్యసాచి సినిమాతో తెలుగు తెరకు పరిచయం అయిన నిధి అగర్వాల్ వైష్ణవ్ తేజ్ సినిమాకు ఎంపిక అవ్వడం విశేషం. అఖిల్ నటిస్తోన్న మిస్టర్ మజ్ను సినిమాలో ఈ హీరోయిన్ నటిస్తోంది.
అఖిల్ సినిమా విడుదలకు ముందు నిధి అగర్వాల్ ను ఎలాగో ప్రమోట్ చేస్తారు కావున వైష్ణవ్ తేజ్ సినిమాకు అది హెల్ప్ అయ్యే అవకాశాలు ఉన్నాయి. మైత్రి మూవీ మేకర్స్ నిర్మిస్తున్న ఈ సినిమా లవ్ స్టోరీగా తెరకెక్కనుందని సమాచారం. ఈ చిత్రంలో నటించే ఇతర నటీనటుల వివరాలు తెలియాల్సి ఉంది. వైష్ణవ్ తేజ్ అన్న సాయి ధరమ్ తేజ్ ప్రస్తుతం వరుస ఫ్లాప్స్ లో ఉన్నాడు. తాజాగా ఈ హీరో ఆశాలన్నీ కిశోర్ తిరుమల పైనే ఉన్నట్లు తెలుస్తోంది.
