నాగార్జున కొత్త సినిమాకు ముహూర్తం కుదిరింది !
చిలసౌ సినిమా తో డైరెక్టర్ గా అందరినీ ఆకట్టుకున్న రాహుల్ రవీంద్రన్ నాగార్జున కోసం కథ తయారు చేస్తున్నాడని వార్తలు వచ్చిన సంగతి తెలిసిందే. మన్మధుడు సినిమాకు సీక్వెల్ గా రాబోతున్న ఈ సినిమా జనవరి నుండి రెగ్యులర్ షూటింగ్ ప్రారంభం కానుందని సమాచారం. 'మన్మథుడు 2' అనే టైటిల్‌ని అక్కినేని కాంపౌండ్‌ రిజిస్టర్‌ చేయించిందనే వార్త తెలిసిందే. ఈ టైటిల్‌ నాగార్జున– రాహుల్ రవీంద్రన్ సినిమాకేనా? అనే గుసగుసలు వినిపించాయి. ఆ తరువాత అది నిజమేనని ఒక ఇంటర్వ్యూ లో రాహుల్ రవీంద్రన్ వెల్లడించాడు. .
మన్మధుడు సినిమాకు కొనసాగింపుగా తెరకెక్కబోతున్న ఈ సినిమా కథ పంరంగా ఫ్రెస్ గా ఉన్నా నాగార్జున పాత మన్మధుడు సినిమాను పోలి ఉంటుందని తెలుస్తోంది. ఈ చిత్రానికి సంభందించిన పూర్తి సమాచారం తెలియాల్సి ఉంది. చిలసౌ మంచి విజయం సాధించిన సందర్భంగా నాగార్జున స్వయంగా రాహుల్ ను పిలిచి అవకాశం ఇవ్వడం గొప్ప విషయమే. నాగార్జున ఈ సినిమాతో పాటు కల్యాణ్ కృష్ణ దర్శకత్వంలో సోగ్గాడే చిన్నినాయన సినిమాకు సీక్వెల్ చెయ్యబోతున్నారు.
