సెప్టెంబర్‌ రెండో వారంలో ప్రాజెక్ట్‌ Z విడుదల
ఎస్‌.కె. అబ్దుల్లా సమర్పణలో ఎస్‌.బి.కె ఫిల్మ్‌ కార్పోరేషన్‌ నిర్మిస్తోన్న చిత్రం ప్రాజెక్ట్‌ Z. ఈ చిత్రంలో సందీప్‌ కిషన్‌, లావణ్య త్రిపాఠి, జాకీష్రాఫ్‌ తదితరులు నటిస్తున్నారు. ఈ చిత్రానికి దర్శకుడు సి.వి.కుమార్‌. నిర్మాతలు ఎస్‌.కె. బషీద్‌, ఎస్‌.కె. కరిమున్నీసా. ఈ చిత్రం సెప్టెంబర్‌ రెండో వారంలో ప్రేక్షకుల ముందుకు రానుంది.
ఈ సందర్భంగా నిర్మాతల్లో ఒకరైన ఎస్‌.కె. బషీద్‌ చిత్ర విశేషాలను మీడియాకి వివరించారు. ఆయన మాట్లాడుతూ.. మా ఈ ప్రాజెక్ట్‌ జెడ్‌ చిత్రం సెన్సార్‌ కార్యక్రమాలను పూర్తి చేసుకుంది. U/A సర్టిఫికెట్‌ని సెన్సార్‌ సభ్యులు ఇచ్చారు. చిత్రం చాలా బాగా వచ్చింది. సందీప్‌కిషన్‌ ఈ చిత్రంలో డిఫరెంట్‌ రోల్‌లో నటించాడు. అతడి కెరీర్‌లో ఈ చిత్రం పెద్ద హిట్‌ చిత్రంగా నిలబడుతుందనడంలో ఎటువంటి అతిశయోక్తి లేదు. ఎందుకంటే ఈ చిత్రం కాన్సెఫ్ట్‌ అంత కొత్తగా ఉంటుంది. జిబ్రాన్‌ చాలా మంచి మ్యూజిక్‌ని ఇచ్చాడు. ప్రేక్షకులు డిజప్పాయింట్‌ అయ్యే మూవీ మాత్రం కాదని పక్కాగా చెబుతున్నా. రాబోయే పది సంవత్సరాల్లో పరిస్థితులు ఎలా ఉంటాయనేదే ఈ చిత్ర కథ. సెన్సార్‌ వాళ్ళు కూడా ఈ చిత్రం చాలా బాగుందని టీమ్‌ని మెచ్చుకున్నారు. త్వరలో ఆడియో ఫంక్షన్‌ని నిర్వహించి, సెప్టెంబర్‌ రెండోవారంలో చిత్రాన్ని ప్రేక్షుల ముందుకు తీసుకువస్తాము. ఈ చిత్రంతో పాటు మరో రెండు చిత్రాలు మా బ్యానర్‌లో రెడీ అవుతున్నాయి. మా ఈ ప్రాజెక్ట్‌ Z విజయవంతం చేస్తారని కోరుకుంటున్నాను..అని అన్నారు.
About VDC
Doraiah Chowdary Vundavally is a Software engineer at VTech . He is the news editor of SocialNews.XYZ and Freelance writer-contributes Telugu and English Columns on Films, Politics, and Gossips. He is the primary contributor for South Cinema Section of SocialNews.XYZ. His mission is to help to develop SocialNews.XYZ into a News website that has no bias or judgement towards any.