చాంద్ బాష దర్శకత్వంలో, ఆనంద్, కార్తిక్, రాజ్ కుమార్, అనూష, లక్ష్మి లు హీరో హీరోయిన్లుగా శ్రీ మహేశ్వరి పరమేశ్వరా క్రియేషన్స్ బ్యానర్ పై నిర్మించిన చిత్రం "దెయ్యం ఉందా?".
ఈ చిత్ర విశేషాల గురించి చిత్ర దర్శకుడు చాంద్ బాష మాట్లాడుతూ "అంతర్వేది, వైజాగ్, గోవా, భీమవరం, హైదరాబాద్ పరిసర ప్రాంతాలలో షూటింగ్ పూర్తి చేసుకుంది. పోస్ట్ ప్రొడక్షన్స్ పూర్తి చేసుకుని నవంబర్ 20న ఆడియో విడుదల చేసుకోనుంది. ప్రస్తుత సమాజంలో దెయ్యాలున్నాయా ? లేదా ? ప్రజలలో అపోహలు తప్ప ఏది నిజమో, ఏది అబద్దమో ఎవరికీ తెలియదు. అసలు దెయ్యాలున్నాయా ? లేవా ? అనేది సినిమా విడుదల వరకు ఆగాలి.
ఈ చిత్రంలో కొత్త, పాత తరం నటులు నటించారు" అని అన్నారు. ఈ చిత్రంలో వంశీ, వెంకట్, కొండవలస, సుమన్ శెట్టి, చిట్టిబాబు, ప్రణవ్, సాయి, కోట శంకర్ రావు, శ్రీకాంత్ తదితరులు నటించిన ఈ చిత్రానికి కెమెరా : ఆనంద్, పాటలు : శ్రీను, ఎడిటర్ : సుబ్రహ్మణ్య రాజు, మ్యూజిక్ : నరేష్ జయరాజ్, సహ నిర్మాత : సల్మాన్ ఖాన్, నిర్మాత : ఖాదర్ బాబు, తారహా భేగం, కథ, మాటలు, స్క్రీన్ ప్లే, దర్శకత్వం : చాంద్ బాష.
This website uses cookies.