వి.బి.ఆర్‌. క్రియేషన్స్‌, సూరజ్‌ ప్రొడక్షన్స్‌ బ్యానర్లలో ఫకృద్దీన్‌ ఖాన్‌, విజయ్‌భాస్కర్‌ రెడ్డి నిర్మాతలుగా, భవాని మస్తాన్‌ దర్శకత్వంలో సెన్సేషనల్‌ భామ పూనమ్‌ పాండే ప్రధాన పాత్రలో, తెలుగు, హిందీ భాషలలో తెరకెక్కనున్న చిత్రం ఇటీవల ప్రారంభమైన విషయం తెలిసిందే. ప్రస్తుతం ఈ చిత్రం ఫస్ట్‌ షెడ్యూల్‌ని సక్సెస్‌ఫుల్‌గా కంప్లీట్‌ చేసుకుని రెండో షెడ్యూల్‌కి రెడీ అవుతోంది.
ఈ సందర్భంగా..నిర్మాతలు మాట్లాడుతూ..భవాని మస్తాన్‌ దర్శకత్వంలో తెరకెక్కుతున్న మా ఈ చిత్రం ఫస్ట్‌ షెడ్యూల్‌ని పూర్తి చేసుకుంది. ట్రయాంగిల్‌ లవ్‌స్టోరీతో కామెడీ ఎంటర్‌టైనర్‌గా తెరకెక్కుతున్న ఈ చిత్రానికి సెన్సేషనల్‌ తార పూనమ్‌ పాండే ప్రత్యేక ఆకర్షణ కానుంది. అలాగే ఒక ప్రత్యేక పాత్రలో టాలీవుడ్‌ ప్రముఖ హీరో సంపూర్ణేష్‌ బాబు నటించనున్నారు. పూనమ్‌ పాండే, ఆశిష్‌ విద్యార్ధి మొదలగువారు ఫస్ట్‌ షెడ్యూల్‌లో పాల్గొన్నారు. ఈ మంత్‌ ఎండింగ్‌ నుండి ముంబాయ్‌లో రెండో షెడ్యూల్‌ ప్రారంభం అవుతుంది. ఈ చిత్రాన్ని తెలుగు, హిందీ భాషలలో తెరకెక్కిస్తున్నాము. మా ఈ తొలి ప్రయత్నం సక్సెస్‌ అవుతుందని, ఈ మూవీ మంచి హిట్‌ అయ్యి..మా బ్యానర్‌లకి మంచి పేరు తెస్తుందని ఆశిస్తున్నాము..అని అన్నారు.
పూనమ్‌పాండే, ఆశిష్‌ విద్యార్ధి, తాగుబోతు రమేష్‌, జబర్ధస్త్‌ నటులు మొదలగు వారు నటించిన ఈ చిత్రానికి కెమెరా: ఆనెం వెంకటరావు, ప్రొడక్షన్‌ ఎగ్జిక్యూటివ్‌: రామకృష్ణ రాజు, నిర్మాతలు: ఫకృద్దీన్‌ ఖాన్‌, విజయ్‌ భాస్కర్‌ రెడ్డి పామూరు; కథ, స్క్రీన్‌ప్లే, దర్శకత్వం: భవాని మస్తాన్‌.
This website uses cookies.